|
الحب الحقيقي .. للكاش يا حبيبي
بيخلِّينا
نسافر
ع الخليج ونعافر
ونعيش الغربة الصعبة يا روحي علشان النقدية
نغيب سنتين تلاتة
يعدُّوا تاتة تاتة
وارجعلك يا حبيبي تاني جيوبي متعبِّية
هو ده .. أيوه ده .. هو ده الحب الحقيقي
الحب
الحقيقي هو اللي يخلِّينا نجيب عربيّة
وموبايل ودش يجيب كل القنوات الفضائيّة
وتقولَّها : والنبي يا مدام
زقِّيني سِنَّة لقُدَّام
هي تقولَّك جبت الشبكة ويا الشقّة يا روحي بكام
هو ده .. أيوه ده .. هو ده الحب الحقيقي
إوعدني
ان أنا وانت نحوِّش
لو حتى حنسكُن في بولاق
ولا ندخل سينما ولا نفرفش
ولا نركب مترو الأنفاق
ونعيش علطول عند حماتي
نتغدَّا ونتعشَّا ليلاتي
ولا نصرف مليم ولا نكلة
ونوفر دايماً يا حياتي
هو ده .. أيوه ده .. هو ده الحب الحقيقي
|
