كان ياماكان
.. الخطبة زمان .. ست بملاية لف
وتلملم الصور من العرسان والعرايس وتفضل تلف
وتحاول توفق بين العرايس وكمان تطلب الحلاوة و تهف
ويعينى عليها لو ماتوفقت فى الجوازة تلاقى نفسها اخدت
كف
وتفضل تلف وتلف لحد ما تلاقى عريس وتشوفله عروسة بترف
اتفرج ياسلام على خطبة سنة الفين
ست ارستوقراطية ....وفى بيتها قاعدة متهنية
تليفونها مع هناء وشرين والست المتربية
ليها مستويات مش عادية
بصراحة رحت لها وقلت اشوف الست ديه
بصتلى وقالت لى بكل احترام ووديه
ياحبيبتى لازم تلبسى شيفون .. وتهتمى بالميكب شوية
وتروحى للكوافير .. وتقصى قصة على الموضة ديه
وتعملى ضوافرك وتحطى مناكير وتتزوقى وتتكلمى بعنتظية
دلوقتى الراجل عاوز ست حاطة كريم فى ايديها علشان التحية
وبتلبس وتخرج وتروح نادى بتاع المستوى دوة
انا خرجت من عندها مزهوله وعقلى مش فيه
قلت لنفسى يمكن هو ده سبب طفشان العرسان منى
البس بقى الشيفون .. واعمل شعرى فى الكوافير .. وضوافرى
.. وكمان احط الكريم علشان التحية
وفوجئت بعد اول عريس الخاطبة الارستقراطية بتتصل عاوزة
500 جنيه مقدمة عريس
ولما يتم الجواز عاوزة زيهم ... وحتبعت لنا ورد وتبارك
لنا من غير فلوس
شغلانة والله حلوة .. بلاجواز بلا شيفون وكوافير ومصاريف
رايحة ومش جاية
انا حعمل خاطبة انا كمان .. وادور ليك وليه
